Press-relizlar
MebelExpo Uzbekistan: 20 yil mebel biznesiga yo`lni ochamiz
O'zbekiston mebel va yog'ochsozlik sanoatining yetakchi voqeasi 20-Yubiley Xalqaro "Ishlab chiqarish texnologiyalari. Yog'ochsozlik. Mebel va butlovchi qismlar – MebelExpo Uzbekistan 2024" ko'rgazmasi 2024 yil 28-30-may kunlari "O'zekspomarkaz" MKKning 3-, 4-pavilyonlari va Atrium 2 zalida bo'lib o'tadi.
Uydagi shinamlik va qulaylik asosan uning jihozlanganligi bilan ta'minlanadi. Zamonaviy mebel nafaqat interyerni yaxshilaydi, balki qulaylik va dam olishga ham xizmat qiladi. Ofisdagi qulay mebel muvaffaqiyatli ish jarayoni va ishbilarmonlik muhitini yaratishning garovidir. Turar-joy majmualari, ijtimoiy infratuzilma obyektlari, ofis binolari va biznes markazlarining keng ko'lamli qurilishi tayyor mebel va uy-ro'zg'or buyumlariga bo'lgan talabning ortishiga olib keladi. Bundan tashqari, 37 milliondan ziyod aholiga ega O'zbekiston Markaziy Osiyo mintaqasidagi eng yirik iste'mol bozori bo'lib, va aholining xarid qobiliyati o’sishi tufayli mebellarga talab va mahsulot turlarining kengayishi oshib bormoqda.
Shu munosabat bilan mamlakatning mebel va yog'ochsozlik sanoati asosan kichik va o'rta biznes subyektlari ishtirok etadigan iqtisodiyotning eng jadal rivojlanayotgan tarmoqlari qatoriga kiradi.
O'zining 20 yillik yubileyini nishonlayotgan MebelExpo Uzbekistan mijozlarning yuksak ishonchi, barqarorligi va ijodiy yondashuvi tufayli mamlakatdagi mebel sanoati uchun asosiy ko'rgazma tadbiri maqomini haqli ravishda qo'lga kiritdi.
Aynan MebelExpo Uzbekistan'da mebel mahsulotlari va aksessuarlari ishlab chiqaruvchilari mijozlarning o'zgaruvchan talablariga moslashuvchan javob berish va ichki va tashqi bozorlarda raqobatbardosh bo'lib qolish imkonini beruvchi zamonaviy texnologiyalar, uskunalar, xom ashyo va butlovchi qismlardan to'g'ridan-to'g'ri foydalanish imkoniyatiga ega bo'ladilar.
Shu bilan birga, ko'rgazma tayyor mebel mahsulotlari, interyer buyumlari va dekor sektoridagi yetkazib beruvchilar va istiqbolli hamkorlar bilan to'g'ridan-to'g'ri muzokaralar uchun qulay maydondir.
20 yil ichida ko'rgazmada 30 mamlakatdan 1 200 ta kompaniya, butun dunyodan 105 000 dan ortiq professional tashrif buyuruvchilar ishtirok etdi.
Yubiley ko'rgazmasida an'anaviy ravishda tayyor mebel ishlab chiqaruvchilari, jihozlar, butlovchi qismlar, mebel kimyosi, furnitura, aksessuarlar va ko'plab boshqalarni yetkazib beruvchilar ishtirok etadi.
Ko'rgazma ishida 14 mamlakatdan 144 ta kompaniya ishtirok etadi: Avstriya, Belarus Respublikasi, Germaniya, Eron, Italiya, Qozog'iston, Xitoy, Qirg'iziston, Polsha, Rossiya, Turkiya, O'zbekiston, Frantsiya, Shvetsiya.
Ko'rgazmada ishtirok etadigan kompaniyalar va brendlarning aksariyati dunyoga mashhur
Yevropa va Osiyo ishlab chiqaruvchilardir. Ko'pchilik ko'rgazmada 10 yildan ortiq vaqt davomida ishtirok etib, har yili ko'rgazmada o'zlarining yangi mahsulotlari va so'nggi jahon tendentsiyalarini namoyish etib kelmoqdalar. Ular orasida Julius Blum GmbH, Forex Mebel / TM Mebax, Master Plius, / TM Leuco, Egida-Simakx va boshqalar vakillari bor.
An'anaga ko'ra, ko'rgazmada yog'ochsozlik va mebel ishlab chiqarish uchun yuqori texnologiyali zamonaviy uskunalarni sotib olish, birinchi qo'ldan uni ishlatish bo'yicha maslahat olish, Yevropa va Osiyo yetakchilarining sifat kafolati bilan yog'ochni qayta ishlash vositalarining keng to'plami bilan tanishish mumkin bo'ladi. Ushbu bo'lim ishtirokchilari orasida Avstriya flagmani FELDER, Rossiyaning LIGA, KDT brendlari, Spetstexuniversal, Xitoyning yetakchisi NANXING'ning yog'ochsozlik uskunalari mavjud. Ko'rgazmada Yevropa ishlab chiqaruvchilari bloki namoyish etiladi: Holz-her Weinig kontserniga kiradi (mebel uskunalari), Kuper (shpon bilan ishlash uskunalari), Nestro Lufttechnik (havo aspiratsiyasi tizimlari) - Germaniya, Sames Kremlin Frantsiya (bo'yash uskunalari). Ko'rgazmada taniqli nemis ishlab chiqaruvchisi Leuco tomonidan ishlab chiqarilgan yog'ochga ishlov berish vositalarining keng assortimenti ham namoyish etiladi.
Mebel qismlari bo'limi eng keng taqdim etiladigan bo'lib, bu yerda mebelchilar hamda oddiy iste'molchilar mebel jihozlari, mebel aksessuarlari, yuqori sifatli mebel qoplamalari, plita materiallari, laminatsiya uchun dekorativ qog'oz, stol usti uchun sun'iy tosh va ko'plab boshqalarning funktsional samaradorligi va qulayligini baholashlari mumkin. Ko'rgazmada Blum, Hafele, GTV, Starex, Surteco, Impress, Boyard, Mesan va boshqa mashhur jahon brendlari ishtirok etmoqda.
Birinchi marta alohida zalda ham xorijiy, ham mahalliy ishlab chiqaruvchilardan mebel kimyosi mahsulotlari va yog'ochga ishlov berish uchun qoplamalarning ko'plab namunalari taqdim etiladi: mebel yelimlari, loklar, bo'yoqlar.
Turkiya milliy pavilyoni ko'rgazmaga qaytadi. Delegatsiya tarkibida yog'ochni qayta ishlash uchun bo'yoq va lok materiallari, ofis mebellari, mebel jihozlarida innovatsion yechimlar va butlovchi qismlar ishlab chiqaruvchi 14 ta yetakchi ishlab chiqaruvchilar mavjud.
Ko'rgazmada ilk marotaba Rossiya Federatsiyasi Yaroslav oblasti mebel kompaniyalarining jamoaviy stendi rejalashtirilgan. Ko'rgazmada ofis mebellari, kreslolar va stullar, bolalar mebellari va boshqa turdagi mebel mahsulotlarini ishlab chiqaruvchi kompaniyalar – Baltiya mebel kompaniyasi, Mebelik, Yaroff namoyish etiladi.
Keng ekspozitsiya va eng katta tarkibda (56 kompaniya) ko'rgazmaga Xitoy ishlab chiqaruvchilari kelishmoqda, ular turli xil mebel qismlarini va yog'ochsozlikning yetakchi texnologiyalarini olib kelishadi.
Ko'rgazmaning biznes dasturi doirasida Rossiya Federatsiyasining ushbu sohadagi yetakchi mutaxassislaridan mebel mahsulotlarini sotish va eksport qilish bo'yicha javoblar va maslahatlarni topish uchun mahalliy ishlab chiqaruvchilar uchun noyob platforma bo'ladigan bir qator seminarlar rejalashtirilgan.
MebelExpo Uzbekistan xalqaro ko'rgazmasi O'zbekiston mebel ishlab chiqaruvchilari va istiqbolli bozorga kirishga intilayotgan xorijiy ishlab chiqaruvchilar uchun muhim voqea hisoblanadi. Tashrif buyuruvchilar uchun bu bozor sharoitlarini o'rganish, ishlab chiqarish yoki interyer dizayn uchun yangi g'oyalarni olish, yangi aloqalarni o'rnatish va mavjud mijozlar va yetkazib beruvchilar bilan munosabatlarni mustahkamlash uchun noyob imkoniyatdir. Bundan tashqari, ular mashina, asbob-uskunalar va asboblarni amalda ko'rishlari, ulardan foydalanish bo'yicha professional maslahatlar olishlari, qisqa vaqt ichida mebel materiallari, xom ashyo, furnitura va butlovchi
qismlarning keng to'plami bilan tanishishlari va qo'shma korxonalarni tashkil etish bo'yicha hamkorlikni boshlashlari mumkin. Ko'rgazmaning 20 yillik muvaffaqiyatli faoliyati va ko'plab muvaffaqiyat hikoyalari tadbirning samaradorligini va keyingi yillarda uning istiqbolliligini isbotladi.
Rasmiy ko'mak:
- O'zbekiston Respublikasi Investitsiyalar, sanoat va savdo vazirligi
- O'zbekiston Savdo-sanoat palatasi
Ro'yxatdan o'tkazish homiysi an'anaviy ravishda:
Hamkor:
Rasmiy transport-logistika hamkori
Texnik hamkor:
Internet-hamkor:
Tashkilotchilar: - Iteca Exhibitions xalqaro ko'rgazma kompaniyasi va uning hamkori ICA Eurasia Group. Iteca Exhibitions - bu O'zbekiston ko'rgazma sanoatining shubhasiz yetakchisi, 30 yillik muvaffaqiyat, ijodiy yechimlar, innovatsiyalar, ishtirokchilarning ishonchi va e'tirofidir. O'zbekistondagi kompaniyalaridan birinchisi Iteca Exhibitions 2007-yilda Butunjahon ko'rgazma sanoati uyushmasining (UFI) haqiqiy a'zosi bo'ldi. Kompaniya ko'rgazmalari ITE Exhibitions hamkorlari tomonidan Qozog'iston, Ozarbayjon, BAA va boshqa bir qator mamlakatlarda o'tkaziladigan shunga o'xshash ko'rgazmalar seriyasining bir qismi bo'lib, bu xorijiy ishtirokchilarning, shu jumladan O'zbekiston bozoriga e'tiborini ta'minlaydi.
Qo'shimcha ma'lumot olish uchun Iteca Exhibitions matbuot xizmatiga murojaat qiling
Tel: + (998 71) 205 18 18, faks: + (998 94) 800 18 18
E-mail: pr@iteca.uz; www.iteca.uz
Axborot ko`magi
