Press-relizlar
MebelExpo Uzbekistan 2023 – mutaxassislar muloqoti uchun eng yaxshi biznes maydoni
Oʻzbekiston mebel va yogʻochsozlik sanoatining yetakchi hodisasi - 19-Xalqaro «Ishlab chiqarish texnologiyalari. Yogʻochsozlik. Mebel va butlovchi qismlar - MebelExpo Uzbekistan 2023» koʻrgazmasi 12-apreldan 14-aprelgacha Toshkentdagi Anhor bogʻidagi yangi maydonda oʻz ekspozitsiyasini namoyish etadi.
Tadbir Iteca Exhibitions xalqaro koʻrgazma kompaniyasi va uning hamkori ICA Eurasia Group tomonidan tashkil etilmoqda.
Oʻzbekiston Markaziy Osiyo mintaqasidagi eng yirik isteʼmol bozori boʻlib, aholisi 36 milliondan oshadi. Mamlakatning mebel va yogʻochsozlik sanoati iqtisodiyotning eng jadal rivojlanayotgan tarmoqlari qatoriga kiradi va unda asosan kichik va oʻrta biznes subʼyektlari faoliyat koʻrsatadi.
Turar-joy majmualari, ijtimoiy infratuzilma obyektlari, ofis binolari va biznes markazlarining jadal qurilishi mahsulotga talabni keltirib chiqarmoqda. Shunga koʻra, mebel va yogʻochsozlik sanoatining rivojlanish dinamikasi toʻgʻridan-toʻgʻri bir qator omillar – aholi sonining koʻpayishi va shunga mos ravishda isteʼmolning oʻsishi, uning farovonlik darajasining oshishi, oshxona mebellaridan tortib ofis mebellarigacha boʻlgan mahsulot turlarining oʻzgaruvchan trendlari bilan bogʻliq. Bularning barchasi sanoatning rivojlanish tendensiyalari va surʼatlariga taʼsir qiladi. Oʻzbekiston aholisining xarid qobiliyati oʻsib bormoqda, bu esa zamonaviy sifatli mahsulotlarni sotib olishga boʻlgan talabga olib keladi. Mahalliy mebelchilar ishlab chiqarish texnologiyalardagi soʻnggi yutuqlarni diqqat bilan kuzatib muvaffaqiyatli ishlatmoqdalar. Ishlab chiqarilayotgan mahsulotlar assortimenti sezilarli darajada kengaydi, jahon tendensiyalariga muvofiq sifat va dizayn yaxshilandi. Bugungi kunda bozorning umumiy hajmining qariyb 90 foizi mahalliy mahsulotlar hisobidan qondirilmoqda. Respublikada mebel, materiallar, butlovchi qismlar ishlab chiqarish, shuningdek, yogʻochsozlik boʻyicha 5 000 dan ortiq korxona faoliyat koʻrsatmoqda, sohada 300 mingdan ortiq kishi banddir. Soʻnggi 10 yil ichida ishlab chiqarilayotgan mahsulotlar assortimenti sezilarli darajada kengaydi, jahon tendensiyalariga muvofiq sifat va dizayn yaxshilandi, mebel importi ham, eksporti ham koʻpaymoqda.
Ichki mebel ishlab chiqarishning oʻsishini ragʻbatlantirish va tannarxini pasaytirish, shuningdek, mahalliy mahsulotlarning raqobatbardoshligini oshirish uchun joriy yilning 10-fevralida mamlakat Rahbariyati tomonidan «Mebel mahsulotlari ishlab chiqarish va eksport qilishni ragʻbatlantirishga oid qoʻshimcha chora-tadbirlar toʻgʻrisida» qaror qabul qilinib, unga muvofiq 2023-yil 1-fevraldan 2024-yil 1-yanvargacha xom ashyo, ehtiyot qismlar, furnitura va aksessuarlarni olib kirish, mebel ishlab chiqarishda ishlatiladigan bojxona bojining nol stavkasiga tortiladi.
Tashkil etilganidan beri MebelExpo Uzbekistan sanoatning bosh xalqaro koʻrgazma tadbiridir. Koʻrgazma mahalliy ishlab chiqaruvchilarga zamonaviy texnologiyalar, xom ashyo va butlovchi qismlardan foydalanishga toʻgʻridan-toʻgʻri va tezkor imkoniyat beradi va mahalliy bozorda sotishni rivojlantirishga yoʻnaltirilgan kompaniyalar bozorning asosiy ishtirokchilari, yaʼni ishlab chiqaruvchilar va distribyutorlar bilan uchrashishni taʼminlaydi.
Koʻrgazmada anʼanaviy ravishda tayyor mebel ishlab chiqaruvchilari, jihozlar, butlovchi qismlar, mebel kimyosi, furnitura, aksessuarlar va koʻplab boshqa mahsulotlarni yetkazib beruvchilar ishtirok etadi.
Bu yil dunyoning 19 mamlakatidan 122 ta kompaniya va brendlar MebelExpo Uzbekistan’da oʻz ishtirokini tasdiqladilar: Avstriya, Belarus Respublikasi, Germaniya, Daniya, Eron, Italiya, Qozogʻiston, Kanada, Xitoy, Qirgʻiziston, Pokiston, Polsha, Rossiya, Sloveniya, Turkiya, Oʻzbekiston, Fransiya, Shveytsariya, Shvetsiya.
Koʻpgina ishtirokchilar sanoat professionallari tomonidan keng tanilgan va oʻz sohalarida yetakchi hisoblanadi.
Koʻrgazmada anʼanaviy ravishda yogʻochsozlik texnologiyalari, uskunalari va asboblari boʻlimi keng namoyish etilgan. ARHAR ENGINEERING (Sloveniya), SCM GROUP, BIESSE, FIMAL (Italiya), FELDER GROUP (Avstriya), LEUCO, NESTRO (Germaniya), STANKI-KDT, SPETSTEXUNIVERSAL (Rossiya) va boshqalar kabi sanoat yetakchilari oʻz dastgohlari va asboblarini amalda namoyish etadilar. Ushbu boʻlimda Germaniyadan butun dunyo boʻylab yogʻochsozlik zavodlarini qurish boʻyicha Yevropa flagmanlari debyut qilmoqda – SIEMPELKAMP, VAYNIG, VECOPLAN.
Yogʻochsozlik uskunalari va mebel qismlarini ishlab chiqarish uchun uskunalar Xitoy kompaniyalari tomonidan taqdim etiladi: NANXING, FUTURE MASH, CHANGZHOU SUM INDUSTRY, ELITCORE FOAM MACHINERY, FOSHAN SHARP MACHINERY, SUZHOU WUDE WOOD-BASED PANEL MACHINERY, TIANJIN RICHPEACE, WUXI OULIWEI MACHINERY, WUXI QIANGTONG MACHINERY va boshqalar.
Mahalliy mebel ishlab chiqarish uchun takliflarning keng assortimenti bilan koʻrgazmaning eng yirik aksessuarlar va butlovchi qismlar sektori namoyish etiladi.
Ushbu boʻlimda kompaniyalar mebel furniturasi va aksessuarlar, mebel poroloni, plitalar va qirra mahsulotlari, sirtlarni bezash uchun ustki qatlamlar va dekorlar, stol usti uchun sunʼiy tosh, mebel fasadlari, HPL plastmassalari va boshqalarni namoyish etadilar.
Doimiy ishtirokchilar orasida – JULIUS BLUM (Avstriya), ATTIMEC (Italiya), MESAN (Turkiya), DÉCOR PROFI (Qirgʻiziston), BOYARD (Rossiya), GTV (Polsha), POUYA SILK ROAD, LLC (Eron), ZRK GROUP (Pokiston), FOAMLINE VOSTOK, KHAT DÉCOR, EGIDA SIMAKS (Oʻzbekiston), MERAKI / HIGOLD (Oʻzbekiston-Xitoy) va koʻplab boshqalar.
Ushbu boʻlimda MAKMART, KASTAMONU, PARIJ KOMMUNASI, ALF MARKET (Rossiya), GRASS (Avstriya), BOYUT (Turkiya), BLANCO, HAILO, SURTECO (Germaniya), FENIX NTM (Italiya), BRRAUF WOOD, DECONEXT (Oʻzbekiston) va boshqa kompaniyalar debyut qiladi.
Yuqori navli mebel kimyosi – elimlar, loklar, sirtlarga ishlov berish uchun boʻyoqlar – mebel mahsulotlarining yuqori sifati uchun katta ahamiyatga ega. Ushbu mahsulotlarni HELIOS GROUP, MITOL (Sloveniya), POLCHEM, ESKIM KIMYA, COBLER (Turkiya), JOWAT, HENKEL (Germaniya), INVEBI SRL, SHERWIN-WILLIAMS ITALY S.R.L /SAYERLACK, MILESI (Italiya), TEXNOKOLOR (Rossiya) kompaniyalari taqdim etadi.
Isteʼmolchilar uchun eng qiziqarli va talab qilinadigan sektor – tayyor mebel mahsulotlari, bu yil yana bir bor taniqli RIVALLI, ELEGIYA, SLAVYANSKAYA MEBELNAYA KOMPANIYA, MEBELGRAD, OLMEKO, MEBEL IMPEKS, NAYDI (Rossiya), OLSA (Belarus) kompaniyalari va brendlari tomonidan taqdim etiladigan mavsumning dolzarb yangiliklari va mebel tendensiyalarini toʻpladi. Ular yumshoq va korpus mebellarining, qattiq yogʻochdan yasalgan mebellarni, metall karkasli buyumlarni va elektr mahsulotlarini: bogʻ, terrasalar, patio va «lounge zone», kafe va restoranlar uchun mebellar, uy va kemping uchun shakli oʻzgaruvchan mebellar, tibbiy mebellar, koʻcha trenajyorlari keng assortimentini taqdim etadilar.
Koʻrgazmaning doimiy ishtirokchilari tajribasiga koʻra, MebelExpo Uzbekistan Respublika mebel ishlab chiqaruvchilari va yangi istiqbolli bozorga kirishni istagan xorijiy ishlab chiqaruvchilar uchun muhim hodisa hisoblanadi. Tashrif buyuruvchilar uchun esa bozor sharoitlarini oʻrganish va ishlab chiqarish yoki ichki dizayn uchun yangi gʻoyalarni olish, yangi aloqalarni oʻrnatish va mavjud mijozlar va yetkazib beruvchilar bilan munosabatlarni mustahkamlash, mashinalar, uskunalar, asboblarni amalda koʻrish va ulardan foydalanish boʻyicha professional maslahat olish, mebel materiallari, xom ashyo, aksessuarlar va butlovchi qismlarning keng assortimentini koʻrish va qisqa vaqt ichida qoʻshma korxonalarni tashkil etish boʻyicha hamkorlikni boshlash uchun noyob imkoniyatdir.
Koʻrgazmaga rasmiy koʻmak koʻrsatishdi:
- Oʻzbekiston Respublikasi Investitsiyalar, sanoat va savdo vazirligi
- Oʻzbekiston Respublikasi Savdo-sanoat palatasi
Koʻrgazmaning bosh homiysi:
Roʻyxatdan oʻtkazish homiysi anʼanaviy ravishda:
Tadbir tashkilotchilari – Iteca Exhibitions xalqaro koʻrgazma kompaniyalari va uning hamkori ICA Eurasia Group.
Axborot koʻmagi
Qoʻshimcha maʼlumot olish uchun, iltimos, Iteca Exhibitions matbuot xizmatiga murojaat qiling
Tel: + (998 71) 205 18 18, faks: + (998 71) 237 22 72
E-mail: pr@iteca.uz; www.iteca.uz
