Press-relizlar

WoodTech & MebelExpo Uzbekistan 2026: Yetakchi brendlar va professional yechimlar uchun platforma

O'zbekiston mebel va yog'ochsozlik sanoatidagi muhim tadbir bo'lgan 22-Xalqaro "Yog'ochsozlik. Mebel butlovchi qismlari. Mebel va interyer – WoodTech & MebelExpo Uzbekistan 2026" ko'rgazmasi 2026-yil 28–30 aprel kunlari "O'zekspomarkaz" MKKning 1 va 2-pavilyonlarida bo'lib o'tadi.

Tashkilotchilar: Iteca Exhibitions xalqaro ko'rgazmalar kompaniyasi va uning hamkori ICA Eurasia Group.

Bugungi kunda O'zbekiston mebel sanoatining rivojlanishi qurilish sohasidagi barqaror o'sish, iste'molchilar talabining o'zgarishi va ishlab chiqarishni jadallashtirilgan texnologik modernizatsiya qilishning uyg'unligi bilan bog'liq. Bozor sifat, funksionallik va dizaynning yuqori standartlariga o'tishni namoyish etmoqda, bu esa raqobatni kuchaytirmoqda va ishlab chiqaruvchilarni innovatsion yechimlar, zamonaviy materiallar va samarali ishlab chiqarish texnologiyalarini joriy etishga undamoqda.

Ushbu sharoitlarda WoodTech & MebelExpo Uzbekistan har yili o'zining hozirgi kun tartibini aks ettiruvchi va shakllantiruvchi sohadagi asosiy professional platforma sifatidagi maqomini tasdiqlaydi. Ko'rgazma ishlab chiqaruvchilar, yetkazib beruvchilar va mutaxassislarni birlashtirib, dolzarb texnologiyalar, uskunalar va komponentlarga, shuningdek, tayyor mahsulot yechimlariga to'g'ridan-to'g'ri kirish imkonini beradi.

Tadbirning B2B formati to'g'ridan-to'g'ri biznes aloqalarini o'rnatish, amaliy tajriba almashish va bozor tendentsiyalarini real vaqt rejimida baholash imkonini beradi. Ishtirokchilar uchun bu nafaqat mahsulot namoyishi, balki ishlab chiqarish jarayonlarini modernizatsiya qilishdan tortib, hamkorlikni kengaytirish va yangi bozorlarga chiqishgacha bo'lgan strategik rivojlanish vositasidir.

Ko'rgazma doimo ishtirokchilarning "yulduzli" tarkibi bilan ajralib turadi. Ko'rgazma ishtirokchilarining aksariyati o'z sohalarida tendentsiyalarni belgilaydigan, Yevropa va Osiyodagi yetakchi xalqaro ko'rgazmalarda ishtirok etadigan va o'zlarining eng so'nggi yangiliklarini O'zbekistondagi mutaxassislar bilan baham ko'rishga tayyor bo'lgan dunyoga mashhur yetakchilardir.

Bu yil ko'rgazmada 13 mamlakatdan 127 ta kompaniya va brend ishtirok etmoqda: Avstriya, Belarus Respublikasi, Germaniya, Italiya, Polsha, Qirg'iziston, Qozog'iston, Rossiya, Turkiya, Xitoy, O'zbekiston, Shveytsariya, Shvetsiya.

Ikki yildan beri ko'rgazmaning kumush homiysi O'zbekiston mebel bozoridagi yetakchilardan biri, yetakchi mahalliy mebel ishlab chiqaruvchisi va ko'plab taniqli xorijiy uskunalar va mebel komponentlari brendlarining distribyutori bo'lgan Eman Group hisoblanadi.

Xorijiy kompaniyalar ishtirokchilar umumiy sonining 72 foizini tashkil qiladi.

An'anaga ko'ra, 11 ta yetakchi ishlab chiqaruvchilarini birlashtirgan Turkiya milliy pavilyoni ko'rgazmada muhim o'rin egallaydi. 8 ta kompaniya Turkiyaning eng yirik bo'yoq va laklar, yog'och qoplamalari va mebel ishlab chiqarish uchun turli xil yechimlar ishlab chiqaruvchilari hisoblanadi. 3 ta kompaniya mebel butlovchi qismlari, furnitura, mahkamlagichlar va aksessuarlar segmentiga mansub.

Rossiya Federatsiyasining Ulyanovsk viloyati kompaniyalari jamoaviy stend doirasida ishtirok etadi. Ishtirokchilar orasida ofis mebellari, restavratsiya materiallari, egilgan-yelimlangan panellar, lavabolar va hammom mebellari ishlab chiqaruvchilari mavjud.

Xitoy kompaniyalari keng miqyosda ishtirok etadi, ular tayyor mebellar, turli xil mebel butlovchi qismlari va ishlab chiqarish texnologiyalari, asboblari va mebel kimyoviy moddalarini taqdim etadilar.

Mebel butlovchi qismlari bo'limi bu yil eng keng namoyish etilgan bo'lib, ishtirokchilarining umumiy sonining taxminan 80% ni tashkil etadi. Bu yerda mebel furniturasi, aksessuarlari, mebel to'ldiruvchilari, plita materiallari, mebel profillari va jabhalari, laminatsiya uchun dekorativ qog'oz, stol usti uchun sun'iy tosh, mebel matolari va boshqa ko'plab mahsulotlarning keng assortimentini ko'rish mumkin.

Mebel kimyosi sektori xorijiy va mahalliy ishlab chiqaruvchilarning turli xil yog'ochga ishlov berish mahsulotlari va qoplamalarini, jumladan, mebel yelimlari, laklar, bo'yoqlar va gruntovkalarni namoyish etadi.

Yog'ochsozlik texnologiyalari bo'limi yuqori texnologiyali mashina va uskunalarni, shuningdek, turli xil yog'ochga ishlov berish asboblarini namoyish qilish (shu jumladan, ochiq ko'rgazma maydonida amalda) bilan mutaxassislar e'tiborini tortadi.

B2C tashrif buyuruvchilari uchun eng qiziqarli bo'limlardan biri bo'lgan ixtisoslashtirilgan HomeStyle & Gifts bo'limi ham kengayib bormoqda. Bu yerda mahalliy va xalqaro mutaxassislar tayyor mebel va interyer buyumlari: professional trenajyorlar, idishlar va sovg'alarni qadoqlash materiallari ishlab chiqarishdagi eng so'nggi ishlanmalarni taqdim etadilar.

Zamon bilan hamnafas rivojlanayotgan mahalliy ishlab chiqaruvchilar ko'rgazma rivojiga katta hissa qo'shmoqdalar. Ular umumiy ishtirokchilar sonining 28 foizini tashkil etadi. Bu yilgi ko'rgazmada mebel poroloni, laminatlangan mebel plitalari va panellari, mebel jabhalari, yog'ochga ishlov berish qoplamalari, mebel qirralari, tayyor mebellar va boshqa mahsulotlarni ishlab chiqaruvchi yirik mahalliy kompaniyalar ishtirok etadi.

WoodTech & MebelExpo Uzbekistan ko'rgazmalari doirasida birinchi marta O'zbekistonlik va xorijiy yetakchi me'morlar, dizaynerlar, mebel ishlab chiqaruvchilari va sanoat mutaxassislari ishtirokidagi uch kunlik keng qamrovli biznes dasturi taqdim etiladi. Munozaralar arxitektura va interyer dizayni o'rtasidagi o'zaro ta'sir, mebel ishlab chiqarishni rivojlantirish, shartnomaviy amaliyotlar, zamonaviy texnologiyalar va sun'iy intellektni joriy etish, shuningdek, mebel sanoatida biznes o'sishi va ishlab chiqarishni kengaytirishning amaliy jihatlariga qaratiladi.

WoodTech & MebelExpo Uzbekistan 2026 ko'rgazma formatining soha uchun professional etalon sifatidagi doimiy ahamiyatini tasdiqlaydi, ilg'or texnologiyalar, amaliy tajriba, asosiy yechimlar va bozor ishtirokchilarini birlashtiradi.

Ko'rgazma quyidagi tashkilotlar tomonidan rasmiy qo'llab-quvvatlandi:

Kumush homiy:

Tashkiliy ko'mak:

Hamkor:

Rasmiy transport va logistika hamkori:

Texnik hamkor:

IT-hamkor:

Bosh informatsion hamkor:

Informatsion qo'llab-quvvatlash:

×

 

×

 

×

 

×

 

×

 

×

 

×

 

×

 

×